အခု ဗုဒ္ဓသာသနာနုဂ္ဂဟအ
ဖွဲ့က ဘုန်းကြီးတို့ရောက်ပြီးမှ နှစ်စဉ် နှစ်တိုင်း နှစ်ပတ်လည် အစည်းအဝေးကြီး ကျင်းပ နေတာပါပဲ၊ အဲဒီလို ကျင်းပတဲ့အခါတိုင်း ဘုန်းကြီးက ဒီမှာရှိနေတဲ့အခါဆိုယင်
သြ၀ါဒစကား ရှေးဦးစွာ ပြောရပါတယ်၊ တနှစ်ထက်တနှစ် ထူးပြီးတော့ ပြောဖို့ဟာလဲ
မရှိပါဘူး၊ ဗုဒ္ဓသာသနာ နုဂ္ဂဟအဖွဲ့မှ ဆောင်ရွက်သင့် ဆောင်ရွက်ထိုက်တာ ကလေးတွေလောက်သာ ပြောရမှာဆိုတော့ နှစ်စဉ်နှစ်တိုင်းလဲ ဒီလိုပဲ ပြောစရာရှိတာလေးတွေဟာ တယ်ပြီးမထူးပါဘူး။
ဗုဒ္ဓသာသနာနုဂ္ဂဟအဖွဲ့ထဲမှာ ၀င်ရောက်ပြီးတော့ ဗုဒ္ဓသာသနာ၏ အကျိုးကို ဆောင်ရွက်နေကြတဲ့ ပုဂ္ဂိုလ်တွေဟာ မိမိတို့တတ်နိုင်သမျှ ကူညီအားပေးဖို့, အထူးသတိပြုဖို့ရာပါပဲ၊ တချို့ တချို့မှာ ဒီလို ဘာသာရေး အဖွဲ့တွေ ရှိနေပေမယ်လို့ အဖွဲ့တော်ကို စည်းဝေးခြင်း, အဖွဲ့တွေအား အကြံဉာဏ်ပေးခြင်း စသော အလုပ်တွေကို ပုဂ္ဂိုလ်တိုင်း ပုဂ္ဂိုလ်တိုင်းက မလုပ်ကြ ဘူး၊ ဒီလိုမလုပ်ကြပဲ ခပ်အေးအေးနေကြတယ်၊ လုပ်တဲ့ပုဂ္ဂိုလ်တွေက အနည်းငယ်ပဲရှိတယ်၊ ဒါပေမယ့် ဒီကဗုဒ္ဓသာသနာနုဂ္ဂဟ အဖွဲ့ကြီးမှာတော့ အဖွဲ့ဝင်ပုဂ္ဂိုလ်တွေမှာ အခြားအဖွဲ့ဝင်မျိုးလို အစစအရာရာ စားရေး သောက်ရေးမှစပြီးတော့ စီးပွားရေး အလုပ် အားကိုးစရာ ရှိတာမဟုတ်ဘူး၊ ဒါကြောင့် သာသနာရေးသက်သက်ကိုသာ ကိုယ်တတ်နိုင်သမျှ နေ့စဉ်လာရောက် ပြီးတော့ ဆောင်ရွက်က်နေကြတယ်။
အခုဒီမှာတော့ ဗုဒ္ဓသာသနာနုဂ္ဂဟအဖွဲ့ဝင် ပုဂ္ဂိုလ်တွေဟာ အင်မတန်ကောင်းပါတယ်၊ အရေးကြီးတဲ့ ကိစ္စတွေ တတ်နိုင်သမျှ ဆောင်ရွက်ပြီးတော့နေကြတယ်၊ရှေးတုန်းကဆိုလို့ရှိယင် သြ၀ါဒါစရိယ ကမ္မဋ္ဌာန်း ဆရာတွေ နေရေးထိုင်ရေး အတွက် နေဖို့ရာ ထိုင်ဖို့ရာ ကျောင်းအဆောက်အအုံတွေဟာ သိပ်မပြည့်စုံဘူး၊ အမျိုးသမီးတွေ နေထိုင်ဖို့ကလဲပဲ သိပ်မပြည့်စုံ ဘူး၊ အခုနေအခါတော့ အတော်တော့ ပြည့်စုံနေပါပြီ၊ မျက်စိနဲ့ ကြည့်လိုက်ယင်ကိုပဲ အဆောက်အအုံကြီးတွေ ကြည့်ရသော အားဖြင့် အားရစရာ ၀မ်းသာစရာ အင်မတန်ကောင်းပါတယ်။
ဒီက၀င်ဝင်ချင်း ဒီဖလ်ယဉ်ဓမ္မာရုံကြီးကို ပထမစပြီးတော့ တည်ထောင်တယ်၊ အဲဒီနောက် လွန်ခဲ့တဲ့ ၁၃၃၁-ခုနှစ် လောက်က ဘုန်းကြီးကိုယ်တိုင်နေရာ မဟာစည်ကျောင်းလဲ ပြီးတာ ကြာပါပြီ၊ နောက်ပြီးတော့ မော်ကွန်းရုံရဲ့ အရှေ့တောင်က ကမ္မဋ္ဌာန်းဆရာတွေ နေဖို့ဆိုပြီးတော့ ကျောင်းအဆောက်အအုံတွေ (၃) ကျောင်း ဖြစ်ပေါ်လာခဲ့တယ်၊ ပထမတုန်းကတော့ အဲဒီ အဆောက်အအုံတွေ ဆောက်မယ့်ပုဂ္ဂိုလ်တွေဟာ မရှိသလောက်ပါပဲ၊ နောက်တော့ အဆောက်အအုံ ဆောက်မည့် ပုဂ္ဂိုလ်တွေ ပေါ်လာပါတယ်၊ အစတုန်းကဆိုယင် သိပ်ပြီး ထူးထူးခြားခြား ရှိမယ်မထင်ရဘူး၊ တော်ရုံသင့်ရုံပဲ အောက်မေ့တယ်၊ ဒါကြောင့် ပထမဆုံးဆောက်တဲ့ အလယ်ပိုင်း အဆောက်အအုံက နောက်ထပ်ဆောက်တဲ့ အဆောက်အအုံ ၂-ခုလောက် မကောင်းလှဘူး၊ အဲဒီအဆောက်အအုံတွေ တွေ့ရယင်ကိုပဲ အင်မတန် ၀မ်းသာစရာကောင်းပါတယ်၊ အမြင်အားဖြင့် ကြည်ညိုစရာ ၀မ်းသာစရာ တွေပါပဲ။
အမျိုးသမီးတွေအတွက် ဆိုလို့ရှိယင်တော့ ဒီဘက်ပိုင်းကရော, တောင်ဘက် အရှေ့ဘက်ပိုင်းမှာရော အဆောက်အအုံ တွေ အင်မတန် များတာပါပဲ၊ အခုနေထိုင်စရာတွေ အင်မတန်ကောင်းတာပဲ၊ နေစရာ ထိုင်စရာတွေအပြင် ရေတို့ မီးတို့ဆိုတာ ကလဲပဲ အရေးကြီးပါတယ်၊ ရေကလဲပဲ အခုနေကာလမှာ ရေကကန်ကြီးတွေနဲ့ ထည့်ထား လှောင်ထားပြီး အဲဒီကန်က ထုတ်ပြီးသုံးရတယ်၊ အခြားအခြား နေရာတွေမှာ ရေအသုံးလိုနေပေမယ်လို့ ဒီဗုဒ္ဓသာသနာနုဂ္ဂဟဌာနမှာတော့ ရေသုံးစရာ ပြည့်စုံပါတယ်၊ ဒီကိုလာပြီး တရားအားထုတ်တဲ့ ပုဂ္ဂိုလ်တွေလဲပဲ တော်တော် သဘောကျကြပါတယ်၊ ရေတွေလဲပေါတယ်ဆိုပြီး ဒါလဲ အင်မတန် ကောင်းပါတယ်။
နောက်ပြီးတော့ အမျိုးသမီးတွေ နေဖို့ရာဆိုတာလဲ အရေးကြီးပါတယ်၊ အမျိုးသား လူဝတ်ကြောင် ယောဂီဆိုတာ ကတော့ အရပ်ရပ်မှာ သိပ်မများဘူး၊ ဒီဌာနမှာတော့ တော်တော်များတယ်၊
ဒါပေမယ်လို့ အမျိုးသမီး ယောဂီတွေကပဲ ပိုပြီး တော့ များတယ်၊ သူတို့ နေစရာ
ထိုင်စရာများ ရှိဖို့လဲ လိုတယ်၊ အဲဒါလဲပဲ ဒီဌာနမှာ ပထမအဆောက်အအုံ
အဟောင်းတွေ ကလဲ ဆောက်ထားပြီး ရှိနေပါတယ်၊ အသစ်လဲပဲ ဆောက်ကြပါတယ်၊
အဟောင်းတွေကို သင့်တင့်လျောက်ပတ်အောင် ပြင်ဖို့ လိုတာလေးတွေလဲ ပြင်ပြီး ပေးကြတယ်၊ အင်မတန် အဆင်ပြေပါတယ်၊ ၀မ်းသာစရာပါပဲ။
အဲဒီလို ဆောင်ရွက်ကြရတယ်ဆိုတာဟာလဲ သာမန်ပုဂ္ဂိုလ်တွေမှာ မဖြစ်နိုင်ပါဘူး၊ ဆောင်ရွက်ပုံ ဆောင်ရွက်နည်း စနစ်ကို နားမလည်မှု ဖြစ်နိုင်ပါတယ်၊ မြော်မြင်ကြည့်လို့ရှိယင်ဖြင့် "ဒီလိုလုပ်ရမယ်၊ ဒီလို လုပ်သင့်တယ်" ဆိုတာလေးတွေကို သဘောပေါက်မှ အဲဒါမှ ဆောင်ရွက်လို့ ပြီးတယ်၊ အချို့က စေတနာကောင်းနဲ့ ဆောင်ရွက်ချင်ပါတယ်၊ ဒါပေမယ်လို့ ဘယ်လို ဆောင်ရွက်ရမယ်ဆိုတာ မသိယင် ဆောင်ရွက်လို့ မဖြစ်ဘူး၊ အခု ဒီမှာဆောင်ရွက်ကြတာဟာ အင်မတန် အဆင်ပြေ ပါတယ်။
အဲဒါကြောင့် ဟိုတုန်းကတည်းက ဘုန်းကြီးက သြ၀ါဒစကားတော့ ရိုးရိုးပဲ
ပေးခဲ့တာပါပဲ၊ "ဥဋ္ဌာနသမ္ပဒါ, အာရက္ခ သမ္ပဒါ, ကလျာဏမိတ္တ, ဇီဝိတ"ဆိုတာ
အဲဒီဟာတွေနဲ့ ပြည့်စုံယင် ကောင်းတယ်လို့ ရိုးရိုး မှတ်သိရတာပါပဲ၊
အဲဒီတုန်းက ဘုန်းကြီးက သြ၀ါဒ စာရွက်ကလေးတခုနဲ့ ဟိုတုန်းက ရိုက်ထားတယ်၊ အဆင်ပြေသွားတယ်။
အခုနေအခါ ဘုန်းကြီးတို့က ထပ်ပြီးတော့ အကြံဉာဏ်ပေးချင်တာလဲ ရှိနေပါတယ်၊ ဒီကအဖွဲ့ဝင် ဒကာကြီးတွေရော, ဒိပြင်ပုဂ္ဂိုလ်တွေရော, စေတနာကောင်းနဲ့ ဆောင်ရွက်နေကြတာကိုရော, ဆောင်ရွက်လိုတဲ့ စေတနာကောင်းရှိနေကြတာကိုရော သိနေပါတယ်၊ ခုနေအခါ လိုနေတာကတော့ အမျိုးသားယောဂီနဲ့ ရဟန်းတော်တွေအတွက် နေရာထိုင်ခင်း ပြည့်စုံသင့် သလောက် မပြည့်စုံသေးပဲ ဖြစ်နေတာပါပဲ။
ဘုန်းကြီးတို့ အမေရိကန်ရောက်နေစဉ် အတွင်းက ဘုန်းကြီးတို့ ရောက်ရာတိုက်တွေမှာ အဆင့်ဆင့် ရှိနေကြတာ တွေ့ရတယ်၊ ဆယ်ဆင့်ဆိုတာ အနည်းကလေးပဲ၊ ဆယ်ဆင့်ကျော်နေတာကပဲ များပါတယ်၊ မြန်မာပြည်မှာ မဟာစည် သာသနာ့ရိပ်သာ ထဲမှာလဲ နေရာထိုင်ခင်း ကလဲ ယောဂီများသလောက် ကျယ်ကျယ်ပြန့်ပြန့် မရှိသေးဘူး။
ဒါကြောင့် ဒီက အဆောက်အုံအကလေးတွေကိုလဲ အနည်းဆုံး ၂-ထပ်လောက် လုပ်ပေးယင်ဖြင့် တော်တော်နေလို့ ဟန်ကျမှာပဲလို့ ဟိုတုန်းကတည်းက ဘုန်းကြီးက ဒီမလာခင်ကတည်းက စိတ်ကူးရပါတယ်၊ အဲဒီလို စိတ်ကူးရပြီးတော့ ဒီလိုပဲ အမှတ်တမဲ့နေခဲ့ပါတယ်၊ ဒီလိုနေနေယင်းနဲ့ အခု အကြောင်းမညီညွတ်တော့ နေမကောင်းတာနဲ့ လာပြီးတော့ တွေ့ရပါတယ်၊ နေမကောင်းတော့ ခါတိုင်း ခါတိုင်း ဒီလောက် နေမကောင်းတာမျိုး တယ်မတွေ့ရဘူး၊ ယခု အတော်ပင်ပန်းနေတာပါပဲ။
အဖျားဆိုပေမယ်လို့ အပူရှိန်တွေက များနေတာကိုး၊ အအေးက မရှိပါဘူး၊ အဲဒီရောဂါတွေ့မှုနဲ့စပ်ပြီး အဆောက်အအုံ ကုသိုလ်ပြုချင်တဲ့ စိတ်ကူး ပေါ်လာပါတယ်၊ အဲဒီ စိတ်ကူးရဲ့ အထောက်အထားကလေးကစပြီး ပြောချင်ပါတယ်၊ ဘယ်လို ဟာလဲ ဆိုတော့ကာ ယခု ဘုန်းကြီးတို့နေတဲ့ ကျောင်းရဲ့ဘေးက ပေါ့လေ တိုးချဲ့ပြီးတော့ အဆောက်အအုံ ဆောက်ဖို့ ဒါက စောစောကတည်းက ဘုန်းကြီးက ညွှန်ကြားခဲ့တာ ကြာပါပြီ၊ အဲဒါကဘုန်းကြီး၏ ရုပ်တုတော်ထားဖို့, အခြားယောဂီ ပရိသတ်တွေလဲ တရားအားထုတ်ဖို့ စသည်အတွက် မဟာစည်ကျောင်းတော်ကို တိုးချဲ့ဆောက်လုပ်ဖို့ပါပဲ၊ အဲဒီလိုပြောပြီးတော့ ညွှန်ကြားထားခဲ့ပါတယ်၊ ဘုန်းကြီးတို့ နိုင်ငံခြားသွားနေတုန်း ပြီးအောင်ဆိုပြီး ပြုလုပ်ခဲ့ကြတာပါပဲ၊ ဘုန်းကြီးတို့ပြန်လာသည့် တိုင်အောင် ကောင်းကောင်းတော့ မပြီးသေးဘူး၊ ခုတော့ ပြီးသလောက် ရှိနေပါပြီ။
ဒါပေမယ့် ဒီအထဲကနေပြီးတော့ စင်္ကြံဆောက်ဖို့ ဆိုပြီးတော့ တခါဆောက်ကြပြန်ပါတယ်၊ အဲဒါတော့ ဘုန်းကြီးက တားမြစ်လို့လဲ မကောင်း, အားပေးဖို့ဟာလဲပဲ သိပ်ပြီးမလိုဘူး၊ ခုနေအခါကာလမှာ ယောဂီပုဂ္ဂိုလ်တွေ
နေထိုင်ဖို့ရာက ပိုပြီး အရေးကြီးပါတယ်၊ စင်္ကြံအဆောက်အအုံ လုပ်နေယင်ဖြင့်
အဲဒီ အတွင်းမှာတော့ အခြား အဆောက်အအုံတွေ ဆောက်ဖို့ဟာ အချိန်မရှိဘူး၊
ဒါကြောင့် ဒီဥစ္စာတော့ တယ်မလိုဘူးလို့ အောက်မေ့ပါတယ်၊ ဒါပေမယ့်
သူ့စေတနာနဲ့သူတို့ စေတနာ ကောင်းတဲ့ ပုဂ္ဂိုလ်တွေကလဲ စင်္ကြံ ဆောက်လုပ်စေချင်ကြတာကိုး၊ အဲ ပထမစပြီးတော့ ဦးစိန်ဖေက ဆောက်ချင်တယ်လို့ ပြောပါတယ်၊ အဲဒါကို မလိုလှပေမယ့်လဲ ကိုယ့်သဘောနဲ့ ကိုယ်ဆောက်ချင် ဆောက်ပါ့လေလို့ ပြောထားရပါတယ်။
ဘုန်းကြီးက အခုနေမကောင်း ထိုင်မသာဖြစ်လာတော့ တနေ့ တချိန်ကျလို့ရှိယင် ဒီလို နေမကောင်း ထိုင်မသာ ဖြစ်ပြီးတော့ သေချင်လဲ သေနိုင်တာပဲ၊ သေသွားလို့ရှိယင် ဘုန်းကြီးတို့ ပိုင်ဆိုင်ပြီးတော့နေတဲ့ ပစ္စည်းဥစ္စာတွေလဲပဲ ဘာမှ အသုံးမကျပဲနဲ့ အလဟဿ ဖြစ်ကုန်မယ်၊ ဒီတော့ ဘုန်းကြီးတို့ ပိုင်ဆိုင်ပြီးတော့နေတဲ့ ပစ္စည်းဥစ္စာတွေလဲပဲ ဘာမှ အသုံးမကျ ပဲနဲ့ အလဟဿဖြစ်ကုန်မယ်၊ ဒီတော့ ဘုန်းကြီးက တတ်နိုင်သမျှ အဆောက်အအုံ ရအောင်လို့ အခြေခံ ရှေ့သွားအနေနဲ့ အလှူပါဝင်ထားယင် ကောင်းမယ်လို့ ဘုန်းကြီးက ဒီလို စဉ်းစားထားမိပါတယ်။
ဟိုက ၁-၂-၃-၄-၅ အဲဒီ တိုက်တန်းတွေကို ကျောင်းသုံးခုနဲ့ နှစ်ခုကို တဆောင်စီ ဆောက်လုပ်ချင်လုပ်၊
ဒါမှ မဟုတ်ယင်လဲ တခုနဲ့ တခုခြားထား ဒီလိုပဲ ရမှာပါပဲ၊ အဲဒီလို ဆောက်ရာမှာ
အဆင့်ကလဲပဲ မူလအတိုင်း မဟုတ်ပဲနဲ့ နှစ်ဆင့် နှစ်ထပ်စီ လုပ်ထားဖို့ပါပဲ၊ အဲဒါလဲ သိပ်တော့ ကြာမယ်မထင်ပါဘူး၊ လုပ်ရကိုင်ရတာလဲ လွယ်လိမ့်မယ်လို့ ထင်တာပါပဲ၊ လုပ်ရ ကိုင်ရတာလဲ လွယ်ပါလိမ့်မယ်။
ဒီမှာအထူးအရေးကြီးတာက တိပိဋကစာပြန်ပွဲကျလို့ရှိယင် တိပိဋကစာပြန်ပွဲဆိုင်ရာတွေကို နေထိုင်ဖို့ရာ နေရာအခွင့် အရေးတွေ ပေးရပါတယ်၊ မပေးလို့လဲမဖြစ်ပါဘူး၊ ပထမတုန်းကဆိုယင် ဆွမ်းစားကျောင်းမှာ ကျွေးမွေးရေးအတွက် နေရာ ပေးရပါတယ်၊ အခုတော့ စာဖြေသံဃာ များလာလို့ ဒေါ်ကြွေဓမ္မာရုံကြီးကို ကျွေးမွေး ဆက်ကပ်ရေးအတွက် နေရာပေးရ ပါတယ်၊ စာဖြေသံဃာတော်တွေ နေဖို့ နေရာလဲ ပေးရပါသေးတယ်၊ ဒါကြောင့် ရဟန်းယောဂီတွေနဲ့ အမျိုးသား ယောဂီတွေ နေရေး ထိုင်ရေးကတော့ သိပ်အဆင်မပြေလှပါဘူး၊ ဘုန်းကြီးတို့ ကျောင်းက တိုးချဲ့အဆောင်တွေနဲ့ဆိုတော့ ရဟန်းယောဂီ, လူယောဂီတွေဟာ အဲဒီ ပြင်ဆင်ဆောက်လုပ်မယ့် ဌာနမှာ အားထုတ်မယ်ဆိုယင် သင့်သလောက်တော့ ဖြစ်နိုင်ပါတယ်။
ယခုလို ယောဂီတွေအလွန်များတဲ့ ဒီလို ရက်အတွင်းမှာတော့ နေရာခပ်ကျပ်ကျပ်ပါပဲ၊ နောက်ဓမ္မာရုံအသစ်ကြီး ဆောက်လုပ်ပြီးတဲ့အခါ ကျယင်တော့ ပိုပြီးကောင်းပါလိမ့်မယ်၊အဲဒါထက် ဒီက ရဟန်းသံဃာတွေနဲ့ အမျိုးသားယောဂီတွေ နေရာထိုင်ခင်းဖြစ်တဲ့ အဆောက်အအုံကလေးတွေကို ပြင်လိုက်လို့ရှိယင် တော်တော်ဟန်ကျ သွားမယ်၊ အဲဒါလို ဘုန်းကြီးက ဘုန်းကြီးမှာရှိသမျှ တတ်နိုင်သမျှ အခြေခံဥစ္စာတွေကို ဘုန်းကြီးက ခေါင်းဆောင်အဖြစ်နဲ့ ၀တ္ထုငွေ လှူမယ်လို့ ကြေငြာထားပြီး တော့ အခြားသောပုဂ္ဂိုလ်တွေလဲ တတ်နိုင်သမျှ အတူလိုက်ပြီး လှူဖို့ရာ တိုက်တွန်းရမှာပဲ။
ဘုန်းကြီးကနေပြီးတော့ အဲဒီလို အဆောက်အအုံလုပ်ဖို့ရာ ညွှန်ကြားတိုက်တွန်းပေးလို့ရှိယင် ဒိပြင် ပုဂ္ဂိုလ်တွေလဲပဲ အားပါးတရ ၀မ်းမြောက် ၀မ်းသာနဲ့ ဖြစ်ပေါ်လာကြမှာပါပဲ၊ ဒီအဆောက်အအုံတွေလဲ မကြာခင် ပြီးပါလိမ့်မယ်၊ တနှစ်အတွင်း မပြီးယင် နှစ်နှစ်အတွင်းတော့ ပြီးမှာပါ၊ နှစ်နှစ်တော့ ကြာမယ်မထင်ပါဘူး၊ မကြာခင်ပဲ ပြီးဖွယ်ရာရှိပါတယ်၊ နောက်ပြီးတော့ တတ်သိနားလည်တဲ့ အဖွဲ့ဝင်ပုဂ္ဂိုလ်များကို နည်းနည်းပါးပါး မေးကြည့်တော့ "သိပ်ကြာစရာ အကြောင်းမရှိပါဘူး" လို့ သိရတယ်၊ ဒီလိုဆို ကောင်းတာပေါ့လို့ ပြောရတယ်။
"ဘယ်လောက်ကုန်စရာရှိသတုံး၊ ကုန်စရာတွေလဲ ဘယ်နှစ်သိန်းကုန်မှာလဲ" အဲဒါကိုလဲ မေးရတယ်၊ အဆောက်အအုံ နှစ်ခုတွဲလုပ်ယင် အခုနေ အနည်းဆုံး အခြေခံ နှစ်သိန်းလောက်တော့ ဘုန်းကြီးက လှူထားလိုက်မယ်၊ နောက်တော့တတ်နိုင်တဲ့ ပုဂ္ဂိုလ်တွေက လိုက်ပြီးတော့ လှူဖို့ပါပဲ၊ ၄-၅-၆-သိန်းလောက်ဆိုယင် ပြည့်စုံလောက်မှာပဲ၊ ၄-၅-၆ သိန်း ၇-သိန်းထက် များယင် ၈-သိန်းပေါ့လေ အဲဒီလိုအစီအစဉ် ရှိပါတယ်။
အဲဒီအဆောက်အအုံတွေ ပြီးတယ်ဆိုတဲ့ အခါကျယင်တော့ ဒီမှာ အရေးအကြီးဆုံးဖြစ်တဲ့ တရားဓမ္မာရုံကြီးကို ဆောက်လုပ်ဖို့ရာ ကောင်းပါတယ်၊ တရားဓမ္မာရုံ
ကြီးကို ဆောက်နေရယင် အခုပြောတဲ့ အဆောက်အအုံမျိုးတွေကို ဆောက်ဖြစ် မှာ မဟုတ်ဘူး၊ ဘယ်တော့မှ ပြီးမှန်းလဲ မမှန်းနိုင်ဘူး၊ အဲဒီလို စဉ်းစားမိပါတယ်၊ ဒါကြောင့် ဘုန်းကြီးတို့ကလဲပဲ အဲဒီရဟန်း ယောဂီ, အမျိုးသားယောဂီတွေ ပြည့်ပြည့်စုံစုံ ချမ်းချမ်းသာသာနှင့် နေဖို့ရာ နေရာထိုင်ခင်းအတွက် အဆောက်အအုံကလေး စပြီးပြင်ပေးဖို့ ညွှန်ကြားရပါတယ်။
အဲဒါတွေပြုပြင်ရာမှာ ကုန်ကျဖို့ဟာလဲပဲ ဘုန်းကြီးက တတ်နိုင်သလောက် အကူအညီပေးရမှာပဲ၊ ဘုန်းကြီး ဒီလိုမှ မလုပ်လဲပဲ တနေ့ကျတော့ သေသွားလို့ရှိယင်ဖြင့် ယူတော့မသွားနိုင်ဘူး၊ မိမိပိုင်တဲ့ ပစ္စည်းတွေဟာ အကျိုးမဲ့ဖြစ်နေမှာပဲ၊ အခုလို ဆောက်ပြီးတော့ လှူတာဟာလဲပဲ သေတဲ့အခါ ယူသွားရအောင်တော့ မရည်ရွယ်ပါဘူး၊ လောလောဆယ်မှာ တရား အားထုတ်ချင်တဲ့ ပုဂ္ဂိုလ်တွေ ချမ်းချမ်းသာသာနေရအောင်, ပြီးတော့ ဘေးကပုဂ္ဂိုလ်တွေ အမြင်အားဖြင့်လဲ သာသနာရေးလဲ ကြည်ညိုဖွယ်ဖြစ်အောင် အဲဒါတွေ ရည်စူးပြီးတော့ ဘုန်းကြီးက စိတ်ကူးရှိပါတယ်၊ အခုလို နေမကောင်းတဲ့အခါမှာ ဒီစိတ်ကူး က ဖြစ်လာတယ်၊ အဲဒါပါပဲ။
အဲဒီလိုပဲ စေတနာကောင်းနဲ့ ဒီမှာဆောင်ရွက်ကြတဲ့ ပုဂ္ဂိုလ်တွေက ဆောင်ရွက်သင့် ဆောင်ရွက် ထိုက်တာတွေကို အများသဘောတူ အသိအမှတ်ပြုပြီးတော့ ဆောင်ရွက်က်သွားကြဖို့ပါပဲ၊ အဲဒီလို အများသဘောတူ ပြုသင့်တဲ့ အမှုတွေကို ကြောင့်ကြစိုက်ပြီးတော့ ပြုနေကြတာဟာ အင်မတန် ကောင်းပါတယ်။
"သဒ္ဓါသမ္ပဒါ၊ သီလသမ္ပဒါ၊ စာဂသမ္ပဒါ၊ ပညာသမ္ပဒါ"တဲ့၊ "သဒ္ဓါသမ္ပဒါ"ဆိုတာက သဒ္ဓါတရားနှင့် ပြည့်စုံခြင်း၊ ဒါက ဗုဒ္ဓသာသနာနုဂ္ဂဟ အဖွဲ့ဝင်ပုဂ္ဂိုလ်တွေဟာ သဒ္ဓါတရားကတော့ ပြည့်စုံနေပြီးပါပဲ၊ မပြည့်စုံတာ မရှိပါဘူး၊ သဒ္ဓါတရား ရှိလို့ပဲ ဒီလို ကုသိုလ်အလုပ်တွေ လုပ်ကြတာပါ၊ "သီလသမ္ပဒါ"ဆိုတာကတော့ ဗုဒ္ဓသာသနာဝင်တွေဆိုတာ သီလနဲ့ ပြည့်စုံ နေတာပါပဲ၊ ဒါပေမယ့် တခုတော့ရှိတယ်၊ ငါးပါးသီလက ပြည့်စုံနေပေမယ်လို့ ၈-ပါးသီလမျိုးကို မစောင့်ရှောက် မဆောက် တည်ပဲနေတာရှိတတ်တယ်၊ မဆောက်တည်ပဲနေတော့ ဘေးက ပုဂ္ဂိုလ်တွေအမြင်အားဖြင့်
အထင်အမြင် သေးတတ်တယ်၊ အဲဒီတော့ ဒီလို အထင်အမြင် မသေးရအောင် အခါခပ်သိမ်း
မဟုတ်သော်လဲ ထူးခြားတဲ့ တရက်တလေတော့ (၈) ပါးသီလ ဆောက်တည်ယင် ကောင်းပါတယ်၊
သူများတွေ သီလသာမကဘူး သမာဓိ, ပညာ ကျင့်ရအောင် ဆိုပြီးတော့ တိုက်တွန်းနေတဲ့ ပုဂ္ဂိုလ်တွေဟာ ကိုယ်ကိုယ်တိုင်က သီလကို မစောင့်ရှောက်ပဲနေယင် တယ်မကောင်းဘူးပေါ့။
အကြောင်းကတော့ သူ့ဟာနဲ့သူ ရှိမှာပေါ့၊ "ကျန်းမာရေးအတွက် အစာမကြာမကြာစားမှ ကျန်းမာရေး ပြည့်စုံမှာ"လို့ ခုကာလ ဆရာဝန်တွေက ဒီလိုဆိုတာရှိပါတယ်၊
ရှေးတုန်းကတော့ ဒီလိုဟာ မရှိပါဘူး၊ ဘုန်းကြီးတွေ ဆိုလို့ရှိယင် အဲဒီလို
ဟာတွေ ရှောင်ကြဉ်ဖို့ ခက်တာပဲ၊ မလွယ်ဘူး၊ ဘုန်းကြီးဆိုလို့ရှိယင် ဘုန်းကြီးအဖြစ်နဲ့နေပြီးတော့ ညနေခင်း စားရမယ် ဆိုယင် ခက်တာပဲ၊ ဘုန်းကြီးအဖြစ်နဲ့
နေလို့ကို ဖြစ်တော့မှာ မဟုတ်ဘူး၊ အဲဒီတော့ တတ်နိုင်သမျှ ကျင့်သုံးဖို့
လိုပါလိမ့်မယ်၊ (သဒ္ဓါသမ္ပဒါ, သီလသမ္ပဒါ, စာဂသမ္ပဒါ) စာဂသမ္ပဒါဆိုတာကတော့ တတ်နိုင်သမျှ ပေးလှူတဲ့ ကုသိုလ်နဲ့ ပြည့်စုံဖို့ပါပဲ၊ အဲဒီမှာ ပညာသမ္ပဒါ ဆိုတာက အင်မတန် အကြောင်းညီညွတ်လို့
ဗုဒ္ဓသာသနာမှာ ရောက်ပြီးတော့ နေရတယ်၊ ဒီလို ရောက်နေရာမှာလဲပဲ အဲဒီလို အချိုးကျကျ ပညာအကျင့်ကို ကျင့်ဖို့ ပြုဖို့ရာပါပဲ၊ ဒီဌာနမှာ ၀ိပဿနာပညာ တရားအထိ ရနေ ကြတယ်၊ အင်မတန် ၀မ်းသာစရာ ကောင်းပါတယ်။
အချို့ ပုဂ္ဂိုလ်တွေက ဗုဒ္ဓဘာသာတွေ ပေမယ်လို့ ဘုန်းကြီးတို့လို စနစ်တကျ ဟောနေတဲ့ တရားတွေကို ပြစ်တင်ပြီး ပြောဆိုတာ ရှိတယ်၊ ဘုန်းကြီးကတော့ သူတို့ကိုလဲ မကဲ့ရဲ့ပါဘူး၊ သူတို့အကုသိုလ်တွေ အလကား များနေတာပဲ၊ ဘယ့်နှယ်ကြောင့် တရားမှန်ကို ကဲ့ရဲ့နေတာလဲ၊ ကဲ့ရဲ့သူတို့မှာ အကျိုးယုတ်တာပဲ၊
အဲ သူတို့မှာ အကျိုးယုတ်တာ ကိစ္စမရှိဘူး၊ သူတို့ရဲ့ တပည့်တပန်း ပရိသတ်တွေ
အဆက်ဆက်တွေရော ဒုက္ခတွေ ရောက်နေကြတာပဲ၊ မြန်မာပြည်မှာ တယ် မကြာခင်ကပဲ ဒီလို
ဝါဒကလေးတွေ ပြန့်ပွားလာတယ်၊ "ကျောက် သင်္ဘော" ၀ါဒ ဆရာဆိုတာလဲ ဒီလိုဟာပါပဲ၊ နောက်ပြီးတော့ ဟို "သမ္မာဒိဋ္ဌိသုတေသန"တီထွင်ခဲ့တဲ့ ဦးဥက္ကဋ္ဌ ဆိုတာကလဲ ဒီလိုဟာတွေ ဟောပြောခဲ့တာပဲ၊ ဒီလိုမတော်မသင့်တာတွေကို မြောင်းမြမှ ဒကာတဦးက စာရေးပြီး ပို့ထားတယ်။
အဲဒီ သမ္မာဒိဋ္ဌိ သုတေသနအဖွဲ့က ကက်ဆက်နဲ့ တိပ်ခွေဖွင့်ပြီးတော့လဲပဲ ပို့ထားခဲ့သတဲ့၊ အဲဒါတွေ နားထောင် ပြီးတော့ စာနဲ့ရေးပြီး သိပ်မတော်တဲ့ ဥစ္စာတွေကို သာသနာ့ညွှန်ကြားရေးအတွက် အုပ်ချုပ်ရေးက ဆောင်ရွက်သင့်တယ်ဆိုပြီး ဘုန်းကြီးဆီ သူက ပို့ထားတယ်၊ သာသနာ အုပ်ချုပ်ရေးကို ဘုန်းကြီးကတော့ မလုပ်နိုင်ပါဘူး၊ သင့်တော်တဲ့ ပုဂ္ဂိုလ်တွေ ဆောင်ရွက်နေယင် ပြီးတာပါပဲလို့သာ မျှော်လင့်ပါတယ်။
အဲဒီတော့ သဒ္ဓါသမ္ပဒါ, သီလသမ္ပဒါ, စာဂသမ္ပဒါ, ပညာသမ္ပဒါ ဒီသမ္ပဒါ ၄-ပါးနဲ့ ပြည့်စုံဖို့ပါပဲ၊ အဲဒီလို ပြည့်စုံ ခြင်းဖြင့် ပြည့်စုံထိုက်တာတွေကို ဒီနှစ် ဒီအသင်းအဖွဲ့အတွင်း ၀င်ရောက်ပြီး ဆောင်ရွက်မယ့် ပုဂ္ဂိုလ်တွေဟာ ပြည့်စုံသည် ထက် ပြည့်စုံအောင် ကြိုးစားပြီး ဆောင်ရွက်ကြဖို့ပါပဲ၊ အခု ဆောင်ရွက်နေတာတွေကို ဘုန်းကြီးမြင်ရတာ တွေ့ရတာဟာ အင်မတန် ကြိုးကြိုးစားစား ဆောင်ရွက်နေကြတယ်လို့ပဲ သိရပါတယ်၊ အင်မတန် ၀မ်းသာစရာပါပဲ။
မိမိတို့အိမ်က နေ့စဉ်ပင် ကျောင်းလာပြီးတော့ တနေ့လုံး အလုပ်လုပ်နေကြတာဟာ တော်တော် တာဝန်လေးတာပါပဲ၊ သာမန်ပုဂ္ဂိုလ်ဆိုယင် နေ့စဉ်နေ့တိုင်း လာနေဖို့ မလွယ်ဘူး၊ နေ့စဉ် နေ့တိုင်းလာပြီး အခုလို ဆောင်ရွက်နေကြတာဟာ အင်မတန် အားရစရာ ၀မ်းသာစရာ ကောင်းပါတယ်။
နောက်ထပ် အသစ်တိုးလာတဲ့ ပုဂ္ဂိုလ်တွေလဲ အဲဒီအတိုင်းပဲ ရွပ်ရွပ်ချွန်ချွန် ဆောင်ရွက်သွားကြဖို့ပါပဲ၊ အဲဒီလို ရွပ်ရွပ်ချွန်ချွန် ဆောင်ရွက်ခြင်းဖြင့် ဗုဒ္ဓသာသနာတော်ဟာ တိုးတက်သည်ထက် တိုးတက်ကြပါစေ။
ဘုရားသာသနာတော် တိုးတက်စသောအားဖြင့် မိမိတို့ အလိုရှိအပ်သော ကုသိုလ်ကောင်းမှု အရပ်ရပ် တိုးပွား၍ မိမိတို့ အလိုရှိအပ်သော အရိယ မဂ်ဉာဏ်, ဖိုလ်ဉာဏ်သို့ လျင်မြန်စွာ ဆိုက်ရောက်၍ နိဗ္ဗာန်သို့ ဆိုက်ရောက်ကြပါစေ။
၁၃၄၁-ခု၊ နှောင်းတန်ခူးလဆန်း (၁၂)ရက်၊ ၁၉၈၀-ခု၊ မတ်လ (၂၇) ရက်။
No comments:
Post a Comment